Dr. Musli Vërbani

MUSTEHABET RRETH PËRGATITJES PËR VARRIM

 

Pasi të vdes njeriu është mirë për t’i vepruar këto çështje:

1. Me ia mbyllë sytë me qerpikët e syve.

Tregon Nëna e Selmetes (kur i kishte vdekur djali i saj) ka shkuar Pejgamberi s.a.v.s. kur e sheh se sytë i kishin mbetur hapur, ia ka mbyllur sytë. Familjarët kanë lëshuar me zë, ndërsa Muhamedi a.s. ka thënë:

 “Mos thoni asgjë tjetër pos nëse është në pyetje për të folur fjalë të mira, sepse melaqet çka të flisni thonë: Amin (Ashtu Është) pastaj Muhamedi a.s. ka thënë:

O Zot, fale Ebi Selmeten

Ngrite në pozitë të lartë

Tjerët pas tij (trashëgimtarë) le ta pasojnë në të mirë

Na falë neve o Zot i gjithë botëve

O Zot zgjeroja varrin dhe bëja dritë”.

(Ehrexhehu Muslimi)

Ai i cili ia mbyllë sytë të vdekurit mustehab është të thotë:

“Bismilahi ve ala mileti Resulilahi.

O Zot lehtësoja çështjet në këtë çast,

lehtësoja çështjet edhe pas këtij çasti.

Gëzoje me takimin Tënd.

Bëre që kalimi i tij nga këtu

të jetë në një vend më të mirë”.

 

2. Sunet është që mjekra me kafkën të ndërlidhet me diçka që t’i jetë koka e mbyllur, që mos t’i depërtojë diçka në fyt dhe që mos t’i shtrembërohet fytyra.

 

3. Sunet është që këmbët t’i lidhen dhe pjesët (meset) e këmbëve dhe të duarve t’i ndërlidhen që t’i jetë trupi i drejtë dhe që mos t’i mbeten kërrul këmbët, duart ose trupi në tërësi.
4. Mustehab është t’i hiqen rrobat me të cilat ka vdekur, sepse rrobat i shtojnë nxehtësi dhe i prishet kufoma shumë shpejt deri kur të pastrohet.

Kuptohet pastaj vishet me rroba të lehta dhe të gjera e pastaj mbulohet.

 

5. Mustehab është me u vendosur në krevat ose në vend të lartë, si respekt ndaj të vdekurit.

 

6. Nëse shihet shenja të fryrjes në bark është mirë t’i vendoset diçka të rëndë dhe t’i lidhet për barku.

 

7. Sunet është të mbulohet me një rrobë, teshë apo qarshaf.

 

8. Nga të pranishmit kërkohet që në vendin e kufomës të flitet vetëm fjalë të mira, të kujtohet Allahu, me kërkuar falje për të vdekurin dhe familjen e tij.

Lejohet të puthet i vdekuri në ballë (mes syve) sepse kështu kanë vepruar një pjesë e Sehabeve.

 

9. Trashëgimtarët e të vdekurit duhet që sa më shpejtë të jetë e mundur t’ia lajnë borxhet nëse ka pasur.

 

10. Mustehab është që sa më shpejtë vasijetet, porositë të cilat i ka lënë t’ia kryejnë.

 

Përpos këtyre mirë është mos me u vonuar shumë rreth çështjeve të domosdoshme duke filluar prej pastrimit (gusulit), mbulimit me kefin (qefin), faljen e namazit të xhenazes dhe varrimit, pasi që definitivisht të konfiromohet vdekja, me qëllim që xhenazja mos të prishet dhe mos t’i prishet pamja e tij.

Shpejtimi në varrim është për ata që nuk vdesin befasisht, ndërsa në rastet e fatkeqësive, adsidentet dhe rastet e befasishme nevojitet të pritet me qëllim që definitivisht të konfirmohet vdekja.

Lejohet vonimi i varrimit nëse pritet ndonjë tepër i afërt, mirëpo ai vonim të mos ndikon në prishjen e kufomës, ndërsa nëse fillon prishja e kufomës me shpejtësi të madhe, nuk vonohet varrimi.