Dr. Musli Vërbani

Rastet kur mendjet tona nuk mund të kuptojnë harmoninë e qartë në mes të shkakut dhe ligjit

Ka raste kur mendjet tona nuk mund të kuptojnë harmoninë e qartë në mes të shkakut dhe ligjit, si për shembull:

Zoti i Lartmadhëruar thotë:

“Fale namazin kur të kalojë dielli prej zenitit.”

Mendjet tona nuk mund ta kuptojnë harmoninë e qartë në mes të shkakut dhe ligjit. Shkak për t’u bërë farz namazi i drekës është duluk-shemsi (kalimi i diellit nga zeniti).

Shembull tjetër

Zoti i Lartmadhëruar thotë:

“E kush nga ju prezanton në këtë muaj, le të agjërojë.”

Pejgamberi s.a.v.s. ka thënë:

“Agjëroni në të shikuarit (e hënës së muajit) dhe ndërpriteni agjërimin në të shikuarit e tij.”

Fillim i muajit të ramazanit është shkak i agjërimit.

Mendja nuk mund ta kuptojë harmoninë e qartë në mes të ligjësimit të këtij ligji.

“Koha e haxhillëkut është në muaj të caktuar. Kush vendos ta kryejë haxhillëkun, le të largohet nga marrëdhëniet (me gruan), grindjet dhe sharjet.” (El-Bekare)

Muajt e haxhit janë shkak për t’u bërë farz haxhi për ata që kanë mundësi.

Ne nuk mund të vërejmë harmoni të njohur, as të kuptojmë urtësinë, përpos asaj që Ligjvënësi i ka vendosur shkaqe. Për këtë arsye, quhen shkak dhe arsye,

Disa dijetarë thonë se nuk quhet arsye, sepse arsyeja, sipas tyre, është e përkufizuar që në mes të ligjit dhe arsyes duhet të jetë harmoni e qartë.