Hipokritët dhe feja islame

Muhamed Muteveli Esh-Shaëravi

Përktheu: Dr. Musli Vërbani

 

Hipokritët dhe feja islame

 

Zoti i Lartmadhëruar thotë:

وَمَا أَرْسَلْنَاكَ إِلَّا رَحْمَةً لِّلْعَالَمِينَ

“Ne të kemi dërguar mëshirë për gjithë botët.” (El-Enbija : 107)

Ky është një peizazh i cili pasqyron mëshirën e të dërguarit të Allahut edhe tek hipokritët. Kjo nga shkaku se, çdo herë kur i dërguari i Allahut e ka pasur në kompetencë të zgjedh në mes të dy çështjeve, e ka zgjedhur më të lehtën, që ta vërtetoj thënien e Allahut të Lartmadhëruar:

“Ne të kemi dërguar mëshirë për të gjithë botët.”

Pas kësaj vjen mëshira e tij për umetin e tij, që të zgjerohet, saqë Zoti i Lartmadhëruar kur e ka parë dashurinë për umetin e tij, pra dashurinë e të dërguarit të Allahut dhe dëshirën e tij që ta zgjedh më të lehtën, i thotë: “O Muhamed, nëse dëshiron, çështjen e umetit tënd do të ta lejoja në kompetencën tënde.” A ka çështje më të mirë se kjo? Shikojeni gjenialitetin e Muhamedit a.s. A mos tha: Unë po e marr çështjen e umetit tim në kompetencën time!? Jo. Por, ashtu me mëshirën e tij, i tha Zotit të tij: “Jo, për dallim nga unë, Ti je më i mëshirshëm për umetin tim.” Kjo, për shkak se Muhamedi a.s. është vëlla i besimtarëve, mirëpo Zoti i Lartmadhëruar është Zot i tyre. E, a mund të krahasohet mëshira e vëllait me mëshirën e Zotit!?

I dërguari i Allahut s.a.v.s., e ka lënë çështjen e umetit të tij në kompetencë të Zotit të Lartmadhëruar, duke pasur parasysh se i dërguari fisnik s.a.v.s. është prej ndryshuesve, që do të thotë se ndryshuesi mund të ndryshoj sepse është aksidencial (i krijuar) dhe çdo gjë e krijuar mund të ndryshoj, mirëpo Zoti i Lartmadhëruar është i pandryshueshëm dhe mëshira e Zotit për umetin e të dërguarit s.a.v.s. do të jetë e përgjithmonshme.

Pasi që i dërguari s.a.v.s. e ka dhënë mendimin e tij të mençur, çka ka thënë Zoti i Lartmadhëruar:

يَوْمَ لَا يُخْزِي اللَّهُ النَّبِيَّ وَالَّذِينَ آمَنُوا مَعَهُ

“Dita, në të cilën Allahu nuk e pikëllon të dërguarin dhe ata të cilët kanë besuar.” (Et-Tehrimë : 8)

Kjo e dëshmon fjalën e Allahut: përderisa ju e keni rikthyer (çështjen) tek Unë, Unë jam më i mëshirshëm se ti për ta. Unë nuk i humbi, por gjithashtu jam më i mëshirshëm për ta për shkakun tënd.

 

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni /  Ndryshoje )

Foto Twitter-i

Po komentoni duke përdorur llogarinë tuaj Twitter. Dilni /  Ndryshoje )

Foto Facebook-u

Po komentoni duke përdorur llogarinë tuaj Facebook. Dilni /  Ndryshoje )

Po lidhet me %s