PËRCJELLJA E TË VDEKURIT

Dr. Musli Vërbani

 

PËRCJELLJA E TË VDEKURIT

 

Kur të vdesësh pasuria nuk vrapon pas teje, ashtu siç ke vrapuar pas pasurisë.

Që nga momenti i vdekjes tri gjëra të përcjellin, por përcjellja e tyre ndryshon njëra prej tjetrës. Ato gjëra janë shokët e tu me të cilët ke jetuar, për të cilët ke punuar.

 

Shoku i parë i cili largohet prej teje është pasuria. Vërtet për të je angazhuar më së shumti, mirëpo pasuria është ajo e cila nuk do të mërzitet fare për ty.

Derisa i vdekuri përcillet me tabut, po të kishte mundësi të flas do t’u thoshte përcjellësve: Mos t’u mashtrojë dunjaja, mos të luaj dunjaja me ju ashtu siç ka luajtur me mua. Kam fituar mallin haram e hallall dhe ua kam lënë juve të kënaqeni me të, ndërsa në Ditën e Kijametit unë do të përgjigjem për atë pasuri, e ju tani e shfrytëzoni.

Enes bin Maliku transmeton se Muhamedi a.s. ka thënë:

“Të vdekurin e përcjellin tri gjëra: Dy kthehen, njëra vazhdon të qëndrojë me të. E përcjellin familja, pasuria dhe vepra e tij. Kthehet pasuria dhe familja, kurse vazhdon të qëndrojë me të vepra”.

 

Përcjellja e kufomës është mustehab.

Transmetohet nga El-Berrai se ka thënë:

“Na ka urdhëruar i Dërguari i Allahut s.a.v.s.: t’i përcjellim të vdekurit, t’i vizitojmë të sëmurët, t’i përshëndesim ata që teshtinë, t’i përgjigjemi ftesës dhe t’i ndihmojmë të dëmtuarve”.

Përcjellja e kufomës është sunet për meshkuj, ndërsa mekruh për femrat.

Transmeton Buhariu dhe Muslimi nga femra Umi Alijete r.a. se ka thënë:  Na është ndaluar neve (femrave) për t’i përcjellë të vdekurit, por jo rreptësisht”.

Shoku i dytë i cili të përcjellë deri te varri janë familja dhe shokët, kështu që kur të mbulohesh me dhè, në errësirën e nëntokës askush nuk vjen me ty, të gjithë kthehen nëpër shtëpitë e tyre, në punët e tyre dhe në familjet e tyre.

Zoti i Madhëruar thotë:

لَقَدْ جِئْتُمُونَا فُرَادَى كَمَا خَلَقْنَاكُمْ أَوَّلَ مَرَّةٍ

“(E shihni) keni ardhë te Ne të vetmuar ashtu siç ju kemi krijuar për të parën herë (të vetmuar)”.

 

Shoku i tretë i cili e përcjellë të vdekurin deri te varri është vepra e tij. Nëse veprat e tij janë të mira lumë për të vdekurin, nëse ato vepra janë të këqija, mjerë për të vdekurin.

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni /  Ndryshoje )

Foto Twitter-i

Po komentoni duke përdorur llogarinë tuaj Twitter. Dilni /  Ndryshoje )

Foto Facebook-u

Po komentoni duke përdorur llogarinë tuaj Facebook. Dilni /  Ndryshoje )

Po lidhet me %s