Ç’është gusuli, kur obligohet, dhe cilat janë farzet e tij?

Dr. Musli Vërbani

Ç’është gusuli, kur obligohet, dhe cilat janë farzet e tij?

GUSULI

Gusuli është pastrimi i tërësishëm i trupit nga nevoja e madhe (papastërtia), për t`iu lejuar muslimanit me falë namazin dhe me i krye detyrat tjera të adhurimit në islam.

– Allahu ka obliguar pastrimin fizik dhe shpirtëror që të jetë muslimani më efikas, më aktiv dhe më
– Pastrimin shpirtëror e ka obliguar për t’u qetësuar, fisnikëruar dhe me e ndriçuar
– Nga definicioni kuptojmë se gusuli është pastrim i tërësishëm i trupit, ndërsa më parë kemi thënë se abdesti është pastrim i disa pjesëve të veçanta të trupit , pra gusuli e zëvendëson abdestin, ndërsa abdesti nuk e zëvendëson gusulin.
– Argument për gusulin, kemi ajetin kur’anor ku Allahu i Madhëruar thotë:

“Nëse jeni (xhunub) të papastër, pastrohuni”.

KUR OBLIGOHET GUSULI

Gusuli bëhet obligim në këto raste:
1. Ejakulimi, apo dalja e spermës prej organit seksual në mënyrë të rregullt (duke bërë marrëdhënie), apo për shkak të ëndërrimit.
– Nëse del sperma për shkak të ndonjë sëmundje apo për shkak të ndonjë rëndësie apo për shkak të ndonjë fatkeqësie, nuk është obligim gusuli, por merret vetëm abdest.
2. Bashkimi i dy organeve seksuale (pa marr parasysh a ndodhë ejakulimi apo jo).
3. Ndërprerja e menstruacionit (hajdit) dhe kalimi i afatit prej 40 ditësh pas lindjes (nifasës).
4. Pabesimtari kur t`a pranojë islamin.
5. Besimtari pas vdekjes.
– pas vdekjes së besimtarit shoqëria e ka për obligim me e pastrua.
– shehidi nuk pastrohet pse gjaku i tij ka me qenë dëshmi në ditën e kijametit.