Dr. Musli Vërbani

 

Ligji i papërcaktorit

 

Papërcaktori është i papërcaktuar përderisa nuk vjen ndonjë argument i cili e përcakton atë, dhe kjo kur papërcaktori vjen në një vend, nuk vjen përcaktori në ndonjë vend tjetër.

 

Fjala “rob” është fjalë specifike.

Fjala “rob” është fjalë specifike e papërcaktuar.

Fjala “rob” mund të jetë “rob besimtar” por

fjala “rob mund të jetë edhe “rob pabesimtar”.

 

Shembull:

Thënia e Zotit të Lartmadhëruar në kompensimin e përbetimit:

“ose lirimin e një robi”.

 

Kur të thuhet fjala “rob” tregon se lejohet të lirohet:

edhe robi besimtar,

edhe robi pabesimtar.

 

Lirimi i robit ka ardhur në formën e urdhërorit.

 

 Shembull:

Thënia e Zotit të Lartmadhëruar për gratë me të cilat është e ndaluar martesa, Zoti i Lartmadhëruar thotë:

“dhe janë (të ndaluara) nënat e grave tuaja”.

 

Ky ajet tregon për ndalesën e nënës së gruas, që nga momenti i aktit të kurorëzimit me bijën e saj, pa marrë parasysh a kontakton me të apo jo.

Ajeti është i papërcaktuar dhe veprohet në mënyrë të papërcaktuar.

 

E papërcaktuara mbetet e papërcaktuar ndërsa e përcaktuara përcaktohet, siç është rasti në thënien e Zotit të Lartmadhëruar, kur i sqaron të ndaluarat:

“…Dhe vajzat që janë nën kujdesin tuaj e të lindura (prej tjetër babai) nga gratë tuaja me të cilat patët kontakt

 

Kushtëzimi i kontaktimit me gruan

Nuk ndalohet vajza e gruas (me burrë tjetër), por ndalohet vetëm nëse kontaktohet seksualisht me atë grua, pra me nënën e saj.

 

Nënat e grave ndalohen pa marrë parasysh a kontaktohet intimisht me to apo nuk kontaktohet intimisht me to.

Vajzat e grave ndalohen vetëm nëse pas martesës bëhet kontaktimi me to.