Hasan Basriu dhe djali i ri

–

Një ditë, Hasan el-Basriu po sillej rrotull Qabes në Meke.

Aty takoi një djalë të ri.

Djali i ri mbante në shpinën e tij një kosh.

E pyeti se çfarë kishte në atë kosh.

– Nënën – iu përgjigj djali i ri dhe vazhdoi:

– Jemi njerëz të varfër.

Nena ime donte të vinte në Qabe shumë kohë më parë,

por ne nuk kishim me se t’i përballonim shpenzimet e udhëtimit.

Këtë dëshirë të saj e dija mirë.

Edhe kur u plak e s’mund të udhëtonte,

Qaben nuk e hiqte nga mendja.

Çdo herë që e përmendte, sytë i mbusheshin me lot.

Nuk munda ta shoh nënën në atë gjendje.

E futa në kosh dhe e solla duke e mbajtur në shpinë prej shtëpisë tonë në Siri, e deri këtu.

Tani po i sillemi rrotull Qabes.

Thonë se të drejtat e nënës janë shumë të mëdha. A thua po ia laj borxhet me këtë që bëra?

Hasan el-Basriu iu përgjigj:

– Edhe sikur ta bësh këtë punë edhe shtatëdhjetë herë të tjera, nuk lan as borxhin e një shqelmi që i ke dhënë kur ke qenë në barkun e saj.

–

Dr. Musli Vërbani

“365 tregime për fëmijën tuaj brenda 12 muajve të vitit”