Ebu Dahdah r.a.

–

I dërguari i Zotit fliste mbi vlerën e sadakasë.

Ebu Dahdah e dëgjonte.

Ai kishte një fermë.

Ferma e tij ishte prej fermave më të mira në Medine.

Fjalët e Pejgamberit a.s. ndikuan shumë tek Ebu Dahdah.

Shkoi te plantacioni i tij me hurma.

E dhuroi atë për çështjen islame.

E dhuroi të gjithë këtë fermë në shërbim të fesë së Zotit dhe lexoi ajetin Kur’anor:

“Kush do t’i japë Allahut një hua të bukur, që Ai t’ia kthejë shpërblimin shumëfish? Allahu e shtrëngon (riskun) dhe e liron; tek Ai do të ktheheni.”

Pejgamberit a.s. i shkoi lajmi që Ebu Dahdah kishte dhuruar fermën e tij më të mirë.

Pejgamberi a.s. tha:

– Sa shumë palma do të gjejë Ebu Dahdah në xhenet!

–

Dr. Musli Vërbani

“365 tregime për fëmijën tuaj brenda 12 muajve të vitit”