Umeri r.a. meriton respekt

–

Umeri r.a. ishte udhëheqës i muslimanëve.

Arritën stofat Jemenase.

Iu shpërndanë muslimanëve, të gjithëve në mënyrë të barabartë dhe me drejtësi.

Umeri veshi rrobat e reja të cilat vëreheshin se ishin një numër më i madh.

Këtë e vërejtën muslimanët, pasiqë gjërat shpërndaheshin haptazi.

Umeri hipi në minber dhe filloi të mbajë fjalim.

Në fjalimin e tij thoshte: – Dëgjomëni dhe respektoni.

Dëgjohet zëri lart:

– Nuk ka dëgjueshmëri dhe nuk ka respekt,

mos dëgjoni dhe mos respektoni.

Kështu brohoritën dhjetëra ushtarë duke shprehur pakënaqësi.

Umeri me butësi thotë:

– Po pse kështu? Allahu ju mëshiroftë!.

Njëri thotë:

– Ju keni marrë stof sa kemi marr dhe ne, mirëpo si është e mundur që ajo të të mjaftojë ty për këmishë, kur ti je më i gjatë se ne? Diçka nuk është në rregull! Patjetër se ti ke marrë një hise më shumë se ne.

Umeri e arsyeton veten duke e thirr djalin e tij, Abdullahun, për ta argumentuar.

Djali i tij, Abdullahu, deklaroi me zë të lartë se hisen e tij ia kishte dhënë babës, prandaj që të dy hiset i kanë mjaftuar për një këmishë, sepse vetëm njëra (pjesa e tij) nuk i mjaftonte as për t’i mbuluar organet e turpshme.

Të gjithë e pranuan dhe revoltuesi qetë tha:

– Tani meriton dëgjim dhe respekt.

–

Dr. Musli Vërbani

“365 tregime për fëmijën tuaj brenda 12 muajve të vitit”