Umeri dhe vajza e cila shiste qumësht

–

Umeri ishte halife.

Një natë, Umeri së bashku me shërbëtorin e tij, Eslemin, del për një inspektim në qytet për të parë nevojat e qytetarëve.

Pas një udhëtimi ndalojnë që të pushojnë në një kënd të qytetit.

Aty dëgjon një zë të një gruaje të moshuar duke e urdhëruar bijën e saj që ta përziente qumështin me ujë.

Mirëpo, vajza refuzonte që ta përziente qumështin me ujë, duke i thënë: – Oj nënë, ti e di se Umeri e ka ndaluar që të përzihet qumështi me ujë dhe të shitet, sepse kështu tradhtohen njerëzit.

Nëna i thotë: – Po edhe nëse është ashtu, ku është Umeri tani, ai nuk na sheh.

Vajza besnike i thotë: – Pse a duhet ta dëgjojmë halifen e muslimanëve – Umerin – para njerëzve, ndërsa në të fshehtë jo?!

Kjo thënie e gëzoi Umerin r.a. dhe e mahniti besimi i saj dhe besnikëria e saj.

Të nesërmen në mëngjes pyeti për atë vajzë dhe u njoftua se ishte Umi Amaretu bin Sufjan bin Abdullah Eth-Thekafij.

Kur e kuptoi se ajo vajzë ishte e pamartuar, atëherë kërkoi që ajo të martohej me djalin e tij Asimin.

Pasi u martuan, Zoti e bekoi këtë martesë dhe pas tyre trashëguan halifen e drejtë, Umer bin Abdul Azizin.

–

Dr. Musli Vërbani

“365 tregime për fëmijën tuaj brenda 12 muajve të vitit”