Takimi i Muhamedit a.s. me Ibrahimin a.s.

Në natën e Miraxhit Muhamedi a.s. ngrihet në qiellin e shtatë.

Në qiellin e shtatë e takon Ibrahimin a.s.

Ibrahimi rrinte mbështetur në Bejtul Mamur.

Në Bejtul Mamur çdo ditë hynin nga 70 mijë melekë dhe nuk dilnin më.

Xhibrili i thotë: – Ky është babai yt, Ibrahimi. Jepi selam atij!

Muhamedi a.s. e përshëndetë me selam.

Ibrahimi a.s. ia ktheu selamin.

Ibrahimi a.s i thotë:

– Mirë se erdhe biri im i mirë!

Mirë se erdhe Pejgamber i mirë!

Pastaj Ibrahimi a.s.i thotë:

– O Muhamed! Jepi selam umetit tënd nga unë.

Njoftoje se xheneti është shumë i bukur.

Uji është shumë i ëmbël.

Sipërfaqja është mjaft e gjerë dhe e sheshtë.

Gjithashtu u thuaj që të mbjellin shumë pemë.

Pemët e xhenetit mbillen duke i përmendur fjalët:

“Subhanallahi ve’l-hamdu lil-lahi

Ve la ilahe il-lAllahu

VAllahu ekber!”

Dr. Musli Vërbani

“365 tregime për fëmijën tuaj brenda 12 muajve të vitit”