Gjatë Miraxhit, prej qiellit të dytë deri në qiellin e gjashtë

Muhamedi a.s. e kishte vazhduar udhëtimin e Miraxhit.

Pas qiellit të parë, Muhamedi a.s. ngjitet në qiellin e dytë.

Xhibrili i thotë rojës: – Hape portën!

Roja e pyet: – A është tjetër kush me ty?!

– Po! Me mua është Muhamedi.

– A është i ftuar?!

Xhibrili i thotë: – Po.

Në qiellin e dytë Pejgamberi takoi Isain a.s. dhe Jahjain a.s.

Ata e përgëzuan, i folën me fjalë të këndshme dhe të mira.

Pastaj ngrihet në qiellin e tretë.

Në qiellin e tretë e takon Jusufin a.s.

Ngrihet në qiellin e katërt.

Në qiellin e katërt takon Pejgamberin Idris a.s.

Kur kaluan pranë Idrisit ky i tha: – Mirë se vjen o Pejgamber i drejtë dhe vëlla i drejtë.

Ngrihet në qiellin e pestë.

Në qiellin e pestë e takon Harunin a.s.

Kur kaluan pranë Harunit a.s. ky i tha: – Mirë se vjen o Pejgamber i drejtë dhe vëlla i drejtë.

Ngrihet në qiellin e gjashtë.

E pyet Xhibrilin: – Kush është ky?!

Xhibrili i thotë se ky është Musai!

Musai i tha:

Mirë se erdhe o Pejgamber i drejtë.

Mirë se erdhe o vëlla i drejtë.

Dr. Musli Vërbani

“365 tregime për fëmijën tuaj brenda 12 muajve të vitit”