Qëndrimi në Mine

Ishte dita e Kurban Bajramit.

I Dërguari i Allahut a.s. arriti në vendin e quajtur Mine.

Në Mine i gjuajti guralecët,

pastaj shkoi te vendbanimi i tij në Mine, e preu Kurbanin.

Pasi e theri kurbanin, i tha rrojtarit:

– Merr nga këtu – dhe sinjalizoi në anën e djathtë të kokës së tij.

Pastaj i tha: – Vepro ashtu edhe në anën e majtë.

Pastaj iu tha edhe tjerëve të veprojnë ashtu.

Një herë tjetër kur ishte në mesin e sehabeve Muhamedi a.s. thotë:

– O Zoti ynë mëshiroji të rruarit (ata që i rruajnë flokët).

Të tjerët që ishin prezent thanë:

– Lutu edhe për ata që i shkurtojnë.

Muhamedi a.s. tha:

– O Zoti ynë mëshiroji të rruarit.

Të tjerët që ishin prezent prapë i thanë:

– Lutu edhe për ata që i shkurtojnë.

Muhamedi a.s. tha:

– O Zoti ynë mëshiroji të rruarit.

Të tjerët që ishin prezent prapë i thanë

– Lutu edhe për ata që i shkurtojnë.

Muhamedi a.s. tha:

– (Mëshiroji) Edhe ata të cilët i shkurtojnë flokët.

–

Dr. Musli Vërbani

“365 tregime për fëmijën tuaj brenda 12 muajve të vitit”