Nata e Kadrit

Pejgamberi ynë i dashur largohej nga fëlliqësitë e paganizmit dhe injorancës.

Ai përpiqej ta kuptonte krijimin e gjithësisë, urtësinë e të mirës dhe të keqes.

Tërhiqej në vetmi në shpellën e malit Hira ku mendonte për këto gjerë e gjatë.

Edhe hanifët, ndjekësit e traditës monoteiste të pejgamberit Ibrahim të Mekës

tërhiqeshin në vetmi në malin Hira në disa muaj të caktuar.

Pak para se t’i vinte vahji (shpallja) i parë, Muhamedi a.s. nisi të shihte disa ëndrra besnike.

Çdo gjë që shihte në ëndërr, i dilte e vërtetë.

Këto ëndrra e përgatitën mirë zemrën e tij.

Nga ana e Allahut, atij iu bë më e pëlqyeshme të veçohej në vetmi.

Ai e merrte me vete ushqimin dhe në shpellë e kalonte muajin e Ramazanit.

Në shtëpi kthehej vetëm për të marrë ushqim.

Ishte muaji i Ramazanit të vitit 610, kur qe veçuar përsëri në shpellën e malit Hira.

Atë muaj, afër mëngjesit të natës së 27 (nata e Kadrit), meleku i vahjit, Xhibrili,

i solli vahjin e parë.

Nga kjo natë e ramazanit ka filluar zbritja e Kur’anit.

Zbritja e Kur’anit ka zgjatur 23 vjet.

13 vjet në Meke.

10 vjet në Medine.

Për këtë edhe ka zbritur sureja Lejletul Kadr, e cila sure tregon vlerën dhe rëndësinë e kësaj nate.

“Ne e kemi zbritur Kur’anin në natën e Kadrit (të vlefshme).

Po ti (o Muhamed) a e di çfarë vlere ka nata e Kadrit?

Nata e Kadrit është më e vlefshme dhe se një mijë muaj.

Melekët dhe shpirti i shenjtë (Meleku Xhibril) në këtë natë zbresin në tokë me lejen dhe urdhrin e Zotit për çdo çështje.

Dhe përshëndesin me selam deri sa të agojë dita”.

Kur Ajshja r.a. e ka pyetur Muhamedin a.s. – cilën dua duhet bërë në këtë natë? Muhamedi a.s. i thotë:

“Thuaj:

– O Zoti im! Ti je falës i gabimeve, e do faljen e gabimeve, mi fal gabimet e mija”.

–

Dr. Musli Vërbani

“365 tregime për fëmijën tuaj brenda 12 muajve të vitit”