Sulejmani a.s.

Sulejmani është djalë i Davudit a.s.

Sulejmani a.s. e trashëgoi fronin e babait të tij – Davudit a.s.

Sulejmani a.s. ka qenë mbret dhe pejgamber në të njëjtën kohë.

Zoti i Madhëruar i dha mençuri Sulejmanit a.s. qysh në fëmijëri.

Sulejmani a.s. bëri lutje:

O Zoti im, mi fal gabimet.

Më jep sundim të fortë çfarë nuk i ke dhënë askujt tjetër në botë.

Zoti i madhëruar ia pranoi lutjen.

Ia nënshtroi Sulejmanit a.s. erën.

Ia nënshtroi xhinët.

Ia mësoi edhe gjuhën e kafshëve.

Ia mësoi edhe gjuhën e të shpendëve.

Ia mësoi edhe gjuhën e insekteve.

Përpos kësaj, Sulejmani a.s. ishte i drejtë.

Ishte i dashur prej të gjithëve.

Sulejmani e falënderoi Zotin për këtë begati që iu ishte dhuruar.

Kush e falënderon Zotin, Zoti ia shton të mirat e Tij.

–

Dr. Musli Vërbani

“365 tregime për fëmijën tuaj brenda 12 muajve të vitit”