Junusi a.s.

Junusi a.s.

Junusi a.s. quhet edhe “DHENUN” – Shoku i Peshkut.

Jetonte në qytetin “Nino”.

Populli i tij ishte kriminel, e mohonin Allahun dhe i bënin shok Atij, ishin edhe të pamoralshëm.

Për këtë arsye, Zoti i Madhëruar ua dërgoi Junusin a.s. që t’i drejtojë në rrugë të drejtë, të besojnë vetëm Allahun, të pendohen për gabimet, të kërkojnë falje dhe t’i luten vetëm Allahut.

Populli nuk e dëgjoi, i refuzoi këshillat e tij.

Junusi a.s. pa pritur shumë, i hidhëruar u largua nga ai popull, shkoi pranë detit, aty kaloi një anije dhe hipi në të për të shkuar në një vend tjetër.

Duke lundruar anija, filloi mot i lig, erërat e forta, retë e zeza, shi i madh. Anija lëkundej, gati sa nuk rrëzohej.

Udhëtarët e anijes mendonin se ndonjëri është fatkeq dhe duhet të hidhet në det për t’u qetësuar deti dhe moti.

Kur e hodhën shortin, shorti ra në Junusin.

Ata e panë se Junusi ishte i lodhur dhe nuk ia prishën gjumin.

Edhe herën tjetër shorti ra në Junusin a.s.

Kur u zgjua Junusi a.s., e kuptoi se ai nuk është dashtë të largohej nga populli i tij aq lehtë, prandaj vetë u hodh në det.

Kur ra në det, e gëlltiti një peshk i madh, mirëpo Zoti i Madhëruar e urdhëroi peshkun që të mos e prish trupin e Junusit, por vetëm ta mbaj sikur në burg. Në burgun e barkut të peshkut, Junusi a.s. u lut:

LA ILAHE ILA ENTE SUBHANEKE IN-NIJ KUNTU MINE DHALIMINE.

“Nuk ka Zot tjetër përpos Allahut. O Zoti i im, Ty të takon lavdërimi, vërtetë kam qenë i padrejtë ndaj vetes sime.”

Zoti i Madhëruar e shpëtoi Junusin ashtu që peshku e nxori nga barku dhe e gjuajti në breg, të shëndoshë pa asnjë të metë.

Në anën tjetër populli i Junusit kishte rënë në sprovë.

Ishte tharë toka. Ishte shtjerrë uji, ishin tharë bimët.

Ata e kuptuan se kjo ishte për shkak se nuk e kishin dëgjuar Junusin a.s. dhe këshillat e tij.

Nuk dinin si t’i luteshin Zotit që t’ua falë gabimet e tyre.

I ndanë qengjat nga delet. I ndanë viçat nga lopët. I ndanë fëmijët nga nënat.

Kështu filluan të qajnë derisa erdhi Junusi a.s.

Kur erdhi Junusi a.s. u gëzuan dhe e mirëpritën dhe iu kthyen rrugës së drejtë.

Ashtu Zoti i Madhëruar i shpëtoi nga pikëllimi dhe vuajtjet dhe i shpërbleu me jetë të lumtur pa brenga dhe në qetësi.

Dr. Musli Vërbani

“365 tregime për fëmijën tuaj brenda 12 muajve të vitit”

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni /  Ndryshoje )

Foto Twitter-i

Po komentoni duke përdorur llogarinë tuaj Twitter. Dilni /  Ndryshoje )

Foto Facebook-u

Po komentoni duke përdorur llogarinë tuaj Facebook. Dilni /  Ndryshoje )

Po lidhet me %s