Shuajbi a.s.

Shuajbi a.s.

Shuajbi a.s. jetonte në qytetin Medjen.

Ky qytet merrej me bujqësi. Kishin kopshte të gjera dhe fryte të llojllojshme.

Ishin edhe tregtarë.

Mirëpo nuk e falënderonin Allahun.

Ky popull kishte vese të këqija. Prej veseve të këqija po i përmendim:

– Nuk e adhuronin Allahun.

– Nuk e falënderonin për të mirat e Tij.

– Ishin tregtarë tradhtarë.

– Kur shitnin e linin masën e mallrave mangët.

– Kur blinin, merrnin më shumë se sa u takonte.

– Ishin kriminelë, i pengonin udhëtarët, i ndalnin, i maltretonin dhe ua merrnin pasurinë.

– Talleshin me pejgamberin e Zotit.

Shuajbi, për t’i drejtuar në rrugën e drejtë u thoshte:

– O populli im, adhurojeni Allahun. Nuk ka zot tjetër përpos Tij.

Kur matni mos pakësoni as në masë, as në peshë.

Mos ia pakësoni njerëzve pasurinë e tyre, duke i tradhtuar.

Mos shkaktoni rrëmujë në tokë.

Populli i tij duke u tallur i thanë:

– O Shuajb, nuk po të kuptojmë asgjë çka po flet ti, ne e dimë se ti je i dobët në mesin tonë. E sikur të mos ishte farefisi i yt, ne do të të kishim mbytur me gurë.

Shuajbi a.s. iu tha:

– Unë dëshiroj vetëm mirë për juve. Unë jam i dërguar besnik për juve, dëgjoni urdhrat e Allahut dhe frikohuni prej dënimit të Tij.

Kokëfortësia e tyre prapë nuk dëgjoi por tha:

– Lëshoje prej qielli ndonjë dënim nëse e flet të vërtetën.

Shuajbi a.s prapë me butësi u tha:

– Unë frikohem për juve se do të dënoheni siç është dënuar më herët populli i Nuhit, Hudit dhe Lutit.

Udhëheqësit e popullit i thanë Shuajbit a.s.:

– O Shuajb, ose do të të dëbojmë nga qyteti ynë ty me besimtarët ose do të të kthejmë në fenë tonë.

Kur Shuajbi a.s. përfundimisht e pa se nuk dëshirojnë të kuptojnë, iu lut Zotit ta dënojë atë popull.

Atëherë filloi një nxehtësi e madhe deri sa iu ngushtua frymëmarrja, iu djeg lëkura në trup, djersiteshin e djersët ishin të nxehta si vala.

Kështu vazhdoi shtatë ditë.

Në ditën e tetë e panë një mjegull të zezë.

Menduan se do të bjerë shi, por jo. Në vend të shiut mjegulla lëshonte zjarr, toka dridhej.

Nuk kishin mundësi të iknin, kështu që u shkatërruan të gjithë.

Shuajbi a.s. me besimtarët shpëtuan. Kështu Zoti i shpëton besimtarët e i shkatërron pabesimtarët.

Dr. Musli Vërbani

“365 tregime për fëmijën tuaj brenda 12 muajve të vitit”

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni /  Ndryshoje )

Foto Twitter-i

Po komentoni duke përdorur llogarinë tuaj Twitter. Dilni /  Ndryshoje )

Foto Facebook-u

Po komentoni duke përdorur llogarinë tuaj Facebook. Dilni /  Ndryshoje )

Po lidhet me %s