Davudi a.s. dhe Xhaluti

Davudi a.s. dhe Xhaluti

Ushtritë e Talutit dhe Xhalutit ishin përballë njëra-tjetrës.

Taluti kishte vetëm një grusht ushtarë.

Xhaluti kishte shumë ushtarë dhe ishin të armatosur.

Kur panë një armik aq të fuqishëm përballë vetes, disa ushtarë të Talutit u trembën.

Ata thanë:

– Si do i mundim ne këta gjigantë?

Por të tjerët, të vendosur të luftonin e të fitonin, iu përgjigjën:

– Ne jemi të bindur të luftojmë. Forcën na e jep besimi dhe vendosmëria që kemi.

Xhaluti u hodh në shesh i veshur i tëri me mburojë, me topuz në krah, shpatë e heshtë në dorë dhe kërkoi një trim nga ushtria e Talutit që të kishte guximin të ndeshej në duel me të.

Të gjithë ushtarët u frikësuan kur panë përballë Xhalutin gjigant.

Asnjëri nuk mori guximin të hidhej të luftonte i pari.

Ndërsa ushtarët shihnin njëri-tjetrin, Davudi i cili ishte djalosh, doli një hap para dhe shkoi pranë Talutit t’i kërkonte leje për t’u ndeshur me Xhalutin.

Taluti e refuzoi kërkesën e tij. Ai ishte tepër i ri, pastaj nuk ishte ushtar i mirëfilltë, nuk dinte asnjë teknikë luftimi. Nuk kishte as armë. E vetmja gjë që kishte, ishte një shkop që mbante në dorë kur kulloste delet.

Davudi kishte një zemër plot me besim të sinqertë te Zoti, që e bënte të besonte se ishte më i fortë se Xhaluti. A nuk ishte Zoti, burimi i mirëfilltë i çdo fuqie? Atëherë fare mirë, po të donte Ai, Davudi mund të fitonte mbi Xhalutin.

Davudi i shkoi prapë mbretit dhe i kërkoi leje për t’u ndeshur me Xhalutin.

Mbreti u bind.

Davudi doli në mejdan për t’u ndeshur me shkopin e vet në dorë, me pesë gurë dhe me një llastik.

Xhaluti, që i ngjante një gjiganti prej hekuri, ishte i armatosur gjer në dhëmbë.

Kur e pa Davudin ashtu pa armë, Xhaluti nisi të tallej e të qeshte.

Davudi vuri një gur mu në llastik dhe mori shenjë fytyrën e armikut.

Ai gur ra fiks në ballin e Xhalutit, duke e lënë atë top në vend.

Trupi i stërmadh i Xhalutit ra në tokë pa jetë.

Davudi iu afrua, mori shpatën e tij dhe nxori një britmë triumfi.

Kuptimi i kësaj ishte fundi i luftës.

Kishin fituar.

Dr. Musli Vërbani

“365 tregime për fëmijën tuaj brenda 12 muajve të vitit”

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni /  Ndryshoje )

Foto Twitter-i

Po komentoni duke përdorur llogarinë tuaj Twitter. Dilni /  Ndryshoje )

Foto Facebook-u

Po komentoni duke përdorur llogarinë tuaj Facebook. Dilni /  Ndryshoje )

Po lidhet me %s