Nuhi a.s. dhe djali i tij

Me urdhrin e Zotit, Nuhi a.s. kishte ndërtuar një Anije.

Qetësisht i tuboi edhe besimtarët,

i hipi në anije dhe e priti urdhrin e Allahut.

Pasiqë besimtarët hipën në Anije,

filloi erë e fortë, qielli u bë zi nga retë.

Vetëtima vetëtonte.

Murmurima murmuronte.

Filloi të bie shi i fortë.

Toka filloi të qahet dhe nga toka buronte ujë i madh.

Uji u ngrit shumë mbi sipërfaqen e tokës.

Nga anija Nuhi a.s. shikoi në tokë, kur e pa njërin nga bijtë e tij i tha:

– O biri im hip me ne në anije.

Djali i tha:

– Do të ngjitem në lartësinë më të madhe të kodrës që të shpëtoj dhe të mbrohem nga vërshimi i ujit.

Babai iu përgjigj:

– Nuk ka shpëtim sot nga urdhri i Allahut.

Vala e madhe e ujit ndërhyri dhe ndau të birin nga babai.

Vala e madhe e ujit ndërhyri dhe u përmbys edhe djali i Nuhit a.s.

Në mesin e të përmbysurve ishte edhe gruaja e Nuhit a.s.

Nuk ka dyshim se të padëgjueshmit gjithsesi do të përmbyten.

Nuk ka dyshim se të padëgjueshmit gjithsesi do të përjetojnë dënimin e merituar.

—

Dr. Musli Vërbani

“365 tregime për fëmijën tuaj brenda 12 muajve të vitit”