Anija e Nuhit a.s.

Nuhi a.s. thirri në rrugën e drejtë për nëntëqind e pesëdhjetë vite.

Gjatë këtyre viteve ai thirri natën dhe ditën.

Haptazi dhe fshehtazi.

Pas 950 viteve thirrje, Nuhi a.s. kërkoi ndihmë nga Zoti i Lartmadhëruar:

“O Zoti im unë e thirra popullin tim çdo ditë e çdo natë.

Thirrja ime shkaktoi vetëm largim dhe ikje nga e vërteta.”

Pastaj tha:

– O Zoti im mos lejo shtëpi të jobesimtarëve në fytyrë të tokës.

Zoti iu përgjigj lutjes së Nuhit e i tha:

– Ndërto një anije të madhe në mes të kodrës.

Nuhi filloi t’i presë lisat e mëdhenj dhe të ndërtojë anijen.

Populli i tij e shikonte dhe i thoshte:

– I ke lënë fjalët e kota dhe ke filluar të merresh me zdrukthëtari!?

Kaluan disa vite e Nuhi a.s. e përfundoi ndërtimin e anijes.

I mblodhi çiftet nga të gjitha llojet e kafshëve.

I mblodhi çiftet nga të gjitha llojet e shpendëve.

I mblodhi çiftet nga të gjitha llojet e insekteve.

I mblodhi të gjitha llojet e bimëve dhe pemëve.

Kur atypari kalonin pabesimtarët, i thoshin Nuhit duke u tallur:

– Ku është deti në të cilin do të lundrojë kjo anije!?

Ti vërtet je çmendur!

Nuhi a.s. qetësisht i tuboi edhe besimtarët, i hipi në anije dhe e priti urdhrin e Allahut.

Filloi erë e fortë, qielli u bë zi nga retë.

Vetëtima vetëtonte.

Murmurima murmuronte.

Filloi të bie shi i fortë.

Toka filloi të qahet dhe nga toka buronte ujë i madh.

Uji u ngrit shumë mbi sipërfaqen e tokës.

Të gjithë u përmbytën përpos atyre të cilët ishin në Anije.

—

Dr. Musli Vërbani