Dr. Musli Vërbani

SUNETET E NAMAZIT TË XHENAZES

Sunetet e namazit të xhenazes janë:

1. Pas nijetit dhe tekbirit të parë me kënduar subhaneken
2. Salavatet për Muhamedin a.s. pas tekbirit të dytë
3. Duaja pas tekbirit të tretë.

Mendub është që gjatë faljes së namazit të xhenazes të jenë tre rreshta.

Muhamedi a.s. ka thënë:

Cilit ia falin namazin tre safa, i falen gabimet”.

Nëse xhemati përbëhet prej 7 vetëve, atëherë radhitja bëhet kështu:

Një (Imami), pastaj tre, dy dhe një.

Më e vlefshme është që namazi të falet jashtë xhamisë e jo në brendi të xhamisë.

Nëse i vdekuri është varrosur pa u pastruar, i falet namazi edhe pse nuk është pastruar.

Nëse në të njëjtën kohë janë më shumë se një i vdekur, lejohet që namazi i xhenazes t’u falet të gjithëve një nga një, por mundet të falet një namaz për të gjithë duke e bërë nijetin për të gjithë. Në këtë rast prej drejtimit të kibles në rend të parë vendosen kufomat e grave, pastaj fëmijëve, pastaj burrave, dhe para burrave qëndron Imami e pas tij xhemati.

Lejohet që femrat të prezantojnë në faljen e namazit të xhenazes.

Në raste kur nuk ka burra, lejohet që femra me qenë Imam, por në këtë rast ajo qëndron në mes të rreshtit (safit) e jo përpara, sikurse Imami mashkull.