Dr. Musli Vërbani

NAMAZI I XHENAZES

Namazi i xhenazes është farz kifaje që do të thotë nëse një pjesë e xhematit ia falin të vdekurit namazin të tjerët lirohen prej atij obligimi. Kjo është një lehtësim për besimtarët dhe mëshirë prej Zotit që mos ta ngarkojë Umetin e Muhamedit a.s., për shkak që secili ka nevoja, detyra dhe angazhime tjera.

Argument për faljen e namazit të xhenazes kemi ajetin Kur’anor:

وَلا تُصَلِّ عَلَى أَحَدٍ مِنْهُمْ مَاتَ أَبَداً وَلا تَقُمْ عَلَى قَبْرِهِ إِنَّهُمْ كَفَرُوا بِاللَّهِ وَرَسُولِهِ وَمَاتُوا وَهُمْ فَاسِقُونَ

“Dhe asnjërit prej tyre (munafikëve, pabesimtarëve) kur të vdesin mos ia fal namazin (e xhenazes) kurrë, e as mos qëndro pran varrit të tij (për lutje e vizitë), pse ata mohuan Allahun dhe të dërguarin e Tij dhe vdiqën kryeneçë”.

(Et-Tevbe, 84)

Me këtë ajet argumentohet se namazi i xhenazes është farz kifaje, jo farz ajn.