Dr. Musli Vërbani
Argumentet nga Kurani, nga Ixhmai i sehabeve dhe argumenti logjik
- Argument nga Kur’ani:
Thënia e Zotit të Lartmadhëruar:
“Dhe nuk e ka çmuar (besuar) Allahun ashtu siç e meriton të çmohet (besohet), kur kanë thënë: Nuk i ka zbritur njeriut asgjë. Thuaj: Kush e ka zbritur librin, i cili i ka ardhur Musait, dritë dhe udhëzim për njerëzit”.
Fjala “njeriu” dhe “asgjë” tregojnë përgjithësim dhe gjithëpërfshirje, nga shkaku se është dhënë kundërpërgjigjja ndaj tyre, se libri i ka zbritur Musaut.
- Ixhmai i sehabeve dhe i gjuhëtarëve
Është arritur Ixhmai i sehabeve dhe i gjuhëtarëve se në fjalorin e Kur’anit dhe sunetit është përdorur përgjithësimi, përderisa nuk është sjellë ndonjë argument për specifikimin e tij.
Sehabet janë argumentuar me përgjithësuesin e shumësit shtesë me rastin për trashëgiminë e Fatimes r.a. prej Pejgamberit s.a.v.s.
Fatimja r.a. ka dashur ta trashëgoj parcelën e tokës së njohur të ashtuquajtur “Fedele vel Avalij”,
Fatimja r.a. është argumentuar me ajetin Kur’anor:
“Ju obligon Allahu (trashëgiminë) për fëmijët tuaj”.
Ebu Bekri Sidiki i është kundërpërgjigjur Fatimes r.a. se nuk ka të drejtë të trashëgoj dhe është argumentuar me hadithin e Muhamedit a.s.:
“Ne pejgamberët nuk trashëgohemi, çka lëmë prej pasurisë, jepet sadaka”.
- Argumenti logjik
Vetë përgjithësuesi bën që mendja ta pranojë formën e përgjithësuesit. E kjo është argument se praktikisht përdoret për përgjithësim.
Nëse zotëriu i thotë shërbëtorit: Çdokujt që hyn në shtëpinë time jepja një dërhem.
Shërbëtori nuk e zbaton urdhrin përderisa nuk i jep çdokujt që hyn në shtëpi.
Dr. Musli Vërbani 