–
Një i urtë shkon tek halifi i asaj kohe.
Halifi i thotë:
– Më këshillo!
I urti i thotë:
– O udhëheqës i besimtarëve, njëherë udhëtova në Kinë
dhe mbreti kinez ishte shurdhuar.
U takova me të një ditë,
e pashë duke qarë dhe më tha:
– Nuk derdh lot për shkak të humbjes së dëgjimit, por për shkak se ndonjërit që i është bërë padrejtësi do të qëndrojë në derën time duke kërkuar ndihmë e unë nuk do ta dëgjoj rënkimin e tij. Por, falënderoj Zotin që ma ka ruajtur shikimin.
Dhe ky mbret urdhëroi që tellalli të kumtonte:
– Kujt i është bërë padrejtësi, të veshë rroba të kuqe!
Mbreti kinez i hipur në elefant për çdo ditë shëtiste për të parë ndonjë që kishte rroba të kuqe, që ta mbronte nga padrejtësia që i është bërë.
O prijës i besimtarëve,
shiko këtë mbret kinez jobesimtar çfarë keqardhjeje ka ndier ndaj robërve të Zotit,
andaj merr mësim!
–
Dr. Musli Vërbani
“365 tregime për fëmijën tuaj brenda 12 muajve të vitit”
