Bujaria e Husejnit r.a.

–

Një njeri shkon te Imam Husejni r.a. dhe i tha:

– Kam huazuar njëmijë dinarë dhe nuk po mundem t’i kthej në afatin e caktuar.

Imam Husejni r.a. i thotë:

– Do të ndihmoj, por më parë do t’i bëj tri pyetje:

Nëse përgjigjesh në një pyetje do ta paguaj një të tretën e borxhit tënd.

Nëse përgjigjesh në dy, do të paguaj dy të tretat.

Nëse përgjigjesh në tri pyetjet, do ta paguaj tërë borxhin tënd.

Njeriu tha:

– Në rregull, ti di më mirë se unë. Do të përgjigjem në atë që di.

Imam Husejni r.a. filloi me pyetjet:

– Çfarë është gjëja më e mirë për njeriun?

– Të besojë Allahun xh.sh.

– Cili është zbukurimi më i mirë për njeriun?

– Dituria me durim.

– Por, nëse nuk ka dituri?

– Aftësia me bujari.

– Nëse nuk e ka këtë?

– Varfëria e shoqëruar me durim dhe shpresë në Allahun xh.sh.

– Nëse nuk e ka këtë?

– Atëherë ai është sikurse dega e tharë e cila ka rënë nga pema dhe përdoret për ndezjen e zjarrit, ngase nuk mund të shfrytëzohet për asgjë tjetër.

Imam Husejni r.a. qeshi, i ofroi qesen me njëmijë dinarë dhe unazën si dhuratë duke i thënë:

– Me para paguaje borxhin, ndërsa unazën shite dhe ndihmoje familjen tënde.

–

Dr. Musli Vërbani

“365 tregime për fëmijën tuaj brenda 12 muajve të vitit”