QEVERIA E OMER IBNU ABDUL AZIZIT DHE QEVERIA E SOTIT

QEVERIA E OMER IBNU ABDUL AZIZIT DHE QEVERIA E SOTIT

Në kohën e qeverisjes së Omer Ibnu Abdul Azizit është tubuar zekati, është mbushur thesari nacional i cili thesar nuk është bllokuar për t’u numëruar në arkën shtetërore por Omer Ibnu Abdul Azizi i cili ishte qeveritar (HALIFE) ka thënë:

  • Shpenzojeni, me fjalë tjera shpërndajeni për të varfrit.

Nga qeveritarët dhe nga populli i kanë thënë: Nuk ka të varfër.

Ndërsa sot:

  • Shteti shpërndanë ndihma sociale, mirëpo ato ndihma sociale nuk mjaftojnë as për barna.

*

Pastaj:

Omer Ibnu Abdul Azizi i cili ishte qeveritar (HALIFE) ka thënë:

  • Shpenzojeni (shpërndajeni) për fondin e Ushtrisë.

Udhëheqësit e Ushtrisë kanë thënë:

Nuk ka nevojë për fonde tjera sepse fondi për Ushtrinë është i mjaftueshëm.

Ndërsa sot:

Ka nga ushtarët të cilët shkojnë në perëndim për një jetë më të mirë, ndërsa në anën tjetër kërkohet ndihmë nga qytetari për nevojat e Ushtrisë.

*

Pastaj:

Omer Ibnu Abdul Azizi i cili ishte qeveritar (HALIFE) ka thënë:

  • Nga thesari i shtetit martoni të rinjtë.

Rinia ka reaguar me shpejtësi: Nuk kanë nevojë për mjetet financiare sepse shpenzimet e martesës dhe shpenzimet tjera i mbulojmë me mjete vetanake.

Ndërsa sot:

Të rinjtë ikin nga Kosova sepse nuk shohin perspektivë as për martesë dhe as në krijimin e familjes në atdheun e dashur të tyre.

*

Pastaj:

Omer Ibnu Abdul Azizi i cili ishte qeveritar (HALIFE) ka thënë:

  • Shkoni kërkoni ata të cilët janë të ngarkuar me borxhe dhe paguani borxhet e tyre.

Borxhlinjtë kanë thënë: Nuk ka nevojë sepse borxhet mund t’i paguajmë me mjetet vetanake tona.

Ndërsa sot:

Shteti debaton në çështjen se a duhet të ndahet 30% nga fondi i trustit apo jo. Përpos kësaj Bankat i fërkojnë duart që sa më shumë ta ngarkojnë popullin me kredi dhe atë me kamatë sa më të madhe të mundshme.

*

Pastaj:

Omer Ibnu Abdul Azizi i cili ishte qeveritar (HALIFE) ka thënë:

  • Shpenzoni tek Dijetarët:

Shpenzojnë për dijetarët mirëpo fondi i Thesarit prapë ishte i mbushur dhe kishte edhe për nevoja tjera.

Ndërsa sot:

Mjekët të cilët janë shëndeti i shoqërisë ikin në perëndim dhe shëndeti publik mbetet nën fatin e atyre mjekëve të cilët nuk kanë eksperiencë.

*

Pastaj:

Fondi i Thesarit nuk zbrazej por përkundrazi prapë ishte i mbushur dhe kishte edhe për nevoja tjera, atëherë Omer Ibnu Abdul Azizi i cili ishte qeveritar (HALIFE) ka thënë:

  • Bleni grurë dhe shpërndajeni nëpër male që të ketë ushqim të mjaftueshëm edhe për zogjtë e maleve.

Ndërsa sot:

Nuk ka ushqim të mjaftueshëm edhe për fëmijët (zogjtë) e shtëpisë për shkak të ngritjes së çmimeve të artikujve Bujqësorë e të mos të flasim për zogjtë e maleve.

Dr. Musli Vërbani

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni /  Ndryshoje )

Foto Twitter-i

Po komentoni duke përdorur llogarinë tuaj Twitter. Dilni /  Ndryshoje )

Foto Facebook-u

Po komentoni duke përdorur llogarinë tuaj Facebook. Dilni /  Ndryshoje )

Po lidhet me %s