Ihsani

Një ditë, i dërguari i Allahut rrinte me shokë.

Shfaqet një njeri me tesha të bardha.

Me flokë të zeza.

Në të nuk vëreheshin shenja udhëtimi.

Asnjëri prej sehabeve nuk e njihte.

Ulet pranë të dërguarit a.s.

I mbështet gjunjët me gjunjët e tij.

I vendos duart mbi kofshët e tij.

E pyeti Muhamedin a.s.:

– O Muhamed, më thuaj ç’është Ihsani (Mirësia)?

Muhamedi a.s. iu përgjigj:

 – Ta adhurosh Zotin sikur ta shihje, sepse, ndonëse ti nuk e sheh, Ai të sheh ty.

E pyeti gjithashtu:

– Ç’është çasti i Kijametit?

Muhamedi a.s iu përgjigj:

– Për këtë ai që po pyetet nuk di më shumë se ai që po pyet.

Ai njeriu, pas kësaj përgjigjeje, pyeti:

– Atëherë më trego për shenjat e Kijametit.

Muhamedi a.s. iu përgjigj:

– Kur robëreshës fëmija t’i bëhet zonjushë. Kur të shihen barinjtë këmbëzbathur, të zhveshur e të mjerë, teksa garojnë pas ndërtimit të godinave të mëdha.

Sehabet çuditen se si njëherë po e pyeste e mandej po ia vërtetonte përgjigjen.

Ai njeri shkoi, e sehabet mbetën të habitur.

Muhamedi a.s. parashtroi pyetje:

– O Umer a e njohe atë që po më pyeste.

Umeri i përgjigjet: – Allahu dhe i dërguari i Tij e dinë më së miri.

Muhamedi a.s. tha:

– Ai ishte Xhibrili.

Kishte ardhur për t’ua mësuar fenë besimtarëve”.

–

Dr. Musli Vërbani

“365 tregime për fëmijën tuaj brenda 12 muajve të vitit”