Përqendrimi në namaz

Ebu Jusufi r.a. ishte njëri nga nxënësit më të njohur të imam Ebu Hanifes.

Dëgjoi për një djalë që quhej Hatim el-Esam, i cili fliste në xhami për asketizmin.

Ebu Jusufi i mori nxënësit e tij dhe u tha:

– Ejani ta pyesim, e nëse vërtetë na përgjigjet, atëherë të ulemi dhe të përfitojmë prej tij.

Hyri në xhami dhe e pyeti:

– O djalosh, na trego për namazin?

Hatimi ia ktheu:

– Për rregullat apo për formën?

Ebu Jusufi u çudit dhe tha:

– I bëmë një pyetje, ndërsa ai e ndau në dy! Më trego për formën e tij?!

Hatimi tha:

Qaben vendose përballë teje.

Peshoren e veprave përpara syve.

Urën e siratit poshtë këmbëve.

Xhenetin nga e djathta.

Zjarrin nga e majta.

Melekun e vdekjes mendoje sikur të jetë pas teje duke pritur për të të marrë shpirtin.

Edhe nëse i kryen këto prapë ti nuk e di se a të është pranuar namazi apo jo.

–

Dr. Musli Vërbani

“365 tregime për fëmijën tuaj brenda 12 muajve të vitit”