Kopshti i shkrumbuar

Kopshti i shkrumbuar

Ishte një pronar i një kopshti.

Kopshti i tij ishte përplot me pemë e perime.

Kopshti i tij ishte përplot me fryte e begati.

Çdo herë kur i mblidhte pemët, i thërriste të varfrit dhe u jepte pjesën e tyre apo zekatin.

Çdo herë kur i korrte të lashtat, i thërriste të varfrit dhe u jepte pjesën e tyre apo zekatin.

Pas një kohe ai vdes dhe e trashëgojnë tre djemtë e tij.

Vëllezërit trashëguan parcelë toke pjellore nga babai i tyre.

Ata ishin koprracë dhe zemërngushtë.

Kur vjen koha e mbledhjes së pemëve vendosin që mos t’i lajmërojnë të varfrit.

Vendosin që të mos u japin hisen (zekatin) që u takonte.

Kështu që vendosën që të shkojnë në mbrëmje dhe para mëngjesit t’i mbledhin frytet dhe të kthehen me të shpejtë në shtëpitë e tyre.

Gjatë natës, Zoti kishte lëshuar një zjarr dhe kopshtin e kishte djegur, e kishte bërë shkrumb e hi.

Kur arritën para mëngjesit në kopshtin e tyre, nuk e njohën.

Menduan se e kanë humbur rrugën gjatë natës dhe kanë shkuar në një kopsht të lënur pas dore.

Pas një kohe e vërtetuan se kopshti i tyre ishte bërë shkrumb e hi dhe nuk kishte mbetur asnjë fryt në të.

Ata e kuptuan se zemërngushtësia dhe mosdhënia të varfërve hisen e tyre ishte shkak që Zoti i kishte dënuar dhe kopshtin e tyre e kishte bërë gërmadhë.

Ata janë penduar, por ishte vonë.

Kështu është dënimi në këtë dunja për mosfalënderimin e Zotit.

Kështu është dënimi për mosnjohjen e begative të Zotit.

Kështu është dënimi për mosdëgjimin e urdhrave të Zotit.

Dënimet në ahiret janë shumë më të mëdha dhe shumë më të rënda.

Dr. Musli Vërbani

“365 tregime për fëmijën tuaj brenda 12 muajve të vitit”

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni /  Ndryshoje )

Foto Twitter-i

Po komentoni duke përdorur llogarinë tuaj Twitter. Dilni /  Ndryshoje )

Foto Facebook-u

Po komentoni duke përdorur llogarinë tuaj Facebook. Dilni /  Ndryshoje )

Po lidhet me %s