Fëmija i cili dëshironte të falej natën

Fëmija i cili dëshironte të falej natën

Ebu Jezid Tajfur bin Isa Bestamiu kur ishte i vogël e ka lexuar ajetin: “O ti i mbuluar, zgjohu natën e falu, përpos një pjese…”, andaj i thotë babit të tij: – O baba im! Kujt i drejtohet Allahu me këtë ajet?

Ai i thotë: – I drejtohet pejgamberit, Muhamedit a.s.

Fëmija i thotë: – O baba, po pse ti nuk vepron siç ka vepruar Muhamedi a.s..

Baba i përgjigjet: – O biri im! Falja e namazit të mesnatës është specifikë e Muhamedit a.s., e kjo nuk është për umetin e tij.

Fëmija heshti. Më vonë, kur e lexoi ajetin kur’anor ku Zoti i Lartmadhëruar thotë: “Vërtetë, Zoti yt e di se ti falesh më pak se një të tretën e natës, edhe gjysmë nate, e një të tretën e natës, e njësoj si ti edhe një grup të cilët janë me ty.”

Fëmija i thotë babit të tij: – O babi im! Unë po e dëgjoj dhe po e lexoj se një grup janë falur natën, po kush janë ata?

Babai i thotë: – O biri im! Ata janë sahabët, Zoti qoftë i kënaqur me ta.

I biri pyet: – O baba im! Po çfarë dobie kemi nëse nuk veprojmë ashtu siç ka vepruar Pejgamberi a.s. dhe sahabët e tij?

I ati i përgjigjet: – E fole të vërtetën o biri im. Pas këtij rasti babai zgjohej natën dhe falej.

U zgjua edhe Jezidi natën dhe kur e sheh babanë duke falur i thotë: – O babai im! Më mëso të pastrohem dhe të falem me ty.

Kurse babai i thotë: – O biri im fli, se ti je ende i vogël.

E ai i thotë: – O babai im! Kur të vijë Dita, kur njerëzit do të dalin para Zotit veç e veç për t’i parë veprat e tyre, do t’i them Zotit: – O Zoti im! Unë e kam pyetur babin tim si të pastrohem e të falem me të, por më ka refuzuar duke më thënë se jam ende i vogël. A ke dëshirë që kjo të të ndodhë?

Babai i thotë: – Jo për Zotin o biri im, assesi nuk dua të ndodhë ashtu.

Kështu që babai e mësoi të birin dhe ai filloi të falej me të.

Dr. Musli Vërbani

“365 tregime për fëmijën tuaj brenda 12 muajve të vitit”

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni /  Ndryshoje )

Foto Twitter-i

Po komentoni duke përdorur llogarinë tuaj Twitter. Dilni /  Ndryshoje )

Foto Facebook-u

Po komentoni duke përdorur llogarinë tuaj Facebook. Dilni /  Ndryshoje )

Po lidhet me %s