Marrëveshja e Hudejbijes

Marrëveshja e Hudejbijes

Muhamedi a.s. shtatëmbëdhjetë muaj është falur duke u kthyer në drejtim të Mesxhidi Aksas në Jerusalem.

Pastaj Zoti i Madhëruar e urdhëroi që gjatë faljes të kthehej në drejtim të Qabes në Mekë.

Kjo e gëzoi Muhamedin a.s. pa masë sepse Meka ishte vendlindja e tij e dashur.

Meka ishte shpresa e fundit e Muhamedit a.s.

Kthimi në vendlindje duhet të jetë shpresë e vetme e çdo besimtari.

Në vitin e gjashtë të hixhretit, Muhamedi a.s. kishte parë ëndërr se e ka vizituar Qaben. Mirëpo Qabja ende ishte nën thundrat e pabesimtarëve.

Pabesimtarët ende qëllim kryesor e kishin mbytjen e Muhamedit a.s., por Muhamedi a.s. me vendosmëri, i pa armatosur, me shokët e tij u nis për ta kryer Umren në Qabe.

Kur arriti në vendin Hudejbije, pabesimtarët menduan se Muhamedi a.s. ishte nisur që ta sulmojë Mekën.

Muhamedi a.s. e dërgoi Uthmanin si delegacion për t’u treguar pabesimtarëve të Mekës se ai me shokët ishin të paarmatosur dhe se ata ishin nisur vetëm që ta vizitojnë Qaben e shenjtë.

Pas një vonese të gjatë, Uthmani u kthye dhe pas tij erdhi një delegacion prej pabesimtarëve të Mekës dhe lidhën një marrëveshje për paqe.

Kjo marrëveshje u quajt “Marrëveshja e Hudejbijes”.

Në marrëveshje u nënshkruan katër kushte kryesore të marrëveshje, e ato ishin:

  • Armëpushimi i të dy palëve për dhjetë vjet, d.m.th. dhjetë vjet jetesë në paqe.
  • Lejohet që kush dëshiron prej fiseve t’i bashkohet muslimanëve dhe kush dëshiron t’i bashkohet pabesimtarëve.
  • Çdo pabesimtar i Mekës i cili shkon te Muhamedi a.s. duhet t’i dorëzohet Mekasve. Ndërsa kush prej shokëve të Muhamedit a.s. ikë dhe shkon në Mekë, Mekasit të mos i dorëzohet Muhamedit a.s.
  • Në vitin tjetër i lejohet Muhamedit a.s. me shokët e tij që ta vizitojnë Qaben me kusht që të qëndrojnë në Mekë vetëm tri ditë.

Nëse i shikojmë këto kushte, në shikim të parë kanë qenë në dëm të muslimanëve e në dobi të pabesimtarëve, saqë disa prej shokëve të Muhamedit a.s. në krye me Umerin u hidhëruan, por Muhamedi a.s. i qetësoi duke iu treguar se në paqe për shumë vite, muslimanët do të arrinin më shumë fitore dhe ardhmëri të lumtur.

Dr. Musli Vërbani

“365 tregime për fëmijën tuaj brenda 12 muajve të vitit”

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni /  Ndryshoje )

Foto Twitter-i

Po komentoni duke përdorur llogarinë tuaj Twitter. Dilni /  Ndryshoje )

Foto Facebook-u

Po komentoni duke përdorur llogarinë tuaj Facebook. Dilni /  Ndryshoje )

Po lidhet me %s