Haxhi dhe ligjërata lamtumirëse

Muhamedi a.s. prej jetimit arriti të bëhej prijës i të gjitha fiseve arabe.

Prej të vetmuarit arriti të bëhej më i dashuri i të gjithë njerëzve.

Prej të varfrit arriti të bëhej kujdestar i të gjithëve.

Me dëshirën e Allahut arriti të përjetojë triumfin e punës së tij.

Në vitin e dhjetë të hixhretit qëndroi në kodrën Arafat.

Në Arafat rreth tij ishin grumbulluar njëqind mijë muslimanë për të kryer së bashku haxhillëkun.

Në haxhillëkun e fundit Muhamedi a.s. mbajti një fjalim ku tha:

“O njerëz.

Kjo shtëpi është e shenjtë.

Ky vend është i shenjtë.

Edhe gjaku është i shenjtë.

Kujdes, mos lejoni gjakderdhje se gjakderdhja është e ndaluar.

O njerëz.

Unë jam pejgamberi i fundit i Zotit, pas meje kurrë nuk do të ketë pejgamber, prandaj:

Faleni namazin.

Agjërojeni muajin e ramazanit.

Jepeni zekatin dhe kryejeni haxhillëkun.

Dëgjojini dhe respektojini prijësit tuaj – ua garantoj xhenetin.

Pasi e përfundoi ligjëratën zbriti ajeti kur’anor:

“Sot jua plotësova fenë tuaj, jua plotësova juve të gjitha të mirat, Jam i kënaqur që fe për juve vendosa Islamin”.

–

Dr. Musli Vërbani

“365 tregime për fëmijën tuaj brenda 12 muajve të vitit”