Beteja e Hunejnit

Beteja e Hunejnit

Muhamedi a.s. e çliroi Mekën.

Të gjitha fiset e pranuan Islamin grupe-grupe, përpos disa fiseve të Havazinit.

Fiset e Havazinit jo vetëm se nuk e pranuan Islamin por edhe u përgatitën për t’i luftuar të gjithë muslimanët.

Në këtë kohë numri i muslimanëve ishte shumë i madh, ndërsa fiset e pabesimtarëve ishin shumë të paktë në numër.

Muslimanët e harruan mbështetjen dhe ndihmën e Zotit dhe thanë:

– Sot fitorja është e jona se jemi ushtri e madhe dhe e fortë.

Kur u ndeshën me pabesimtarët në vendin “Hunejn”, hasën në rezistencë të fortë, hyri frika në zemrat e tyre dhe kështu e lëshuan frontin duke ikur me të katërtat.

Ata e kuptuan se fitorja nuk varet prej forcës dhe prej shumës së madhe, por varet prej vendosmërisë dhe mbështetjes në Allahun.

Pastaj Muhamedi a.s. hipi mbi një shkëmb dhe i thirri të gjitha fiset një nga një dhe u tha që të kthehen në front.

Të gjitha fiset e pranuan thirrjen e Muhamedit a.s. dhe iu vërsulën pabesimtarëve, e edhe pse e humbën betejën e parë, në fund e fituan luftën.

Këtë ngjarje e përshkruan edhe Kur’ani në Suretu Tevbe si vijon:

“Vërtetë Allahu ju ka ndihmuar në shumë vende dhe në shumë raste, e po ashtu iu ka ndihmuar në vendin Hunejn. (Në atë vend) Ju u krenuat me shumën e madhe tuajën, mirëpo numri i madh nuk iu bëri aspak dobi juve sepse (nga frika duke ikur) ju ngushtua aq shumë toka edhe pse është e gjerë, e ju pastaj ia kthyet shpinën frontit dhe ikët. Pastaj Allahu zbriti qetësi te i Dërguari i tij dhe te besimtarët, (po ashtu) zbriti ushtri (të Melekëve) të cilën ju nuk e keni parë dhe i dënoi pabesimtarët. Kështu Zoti i ka ndëshkuar pabesimtarët, pastaj Zoti ia pranon pendimin kujt të dojë Ai. Allahu është falës, i Mëshirshëm (për besimtarët gjithmonë)”.

Dr. Musli Vërbani

“365 tregime për fëmijën tuaj brenda 12 muajve të vitit”

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni /  Ndryshoje )

Foto Twitter-i

Po komentoni duke përdorur llogarinë tuaj Twitter. Dilni /  Ndryshoje )

Foto Facebook-u

Po komentoni duke përdorur llogarinë tuaj Facebook. Dilni /  Ndryshoje )

Po lidhet me %s