Fillimi i zbritjes së Kur’anit

Muhamedi a.s. kishte dëshirë ta shikonte qiellin,

kishte dëshirë ta shikonte natyrën, gjelbërimin dhe

kishte dëshirë të mendonte për krijimin e tyre.

Shikonte, vështronte, dhe e kuptonte se harmonia në gjithësi është vepër e një Krijuesi absolut.

Vështronte, mendonte dhe e kuptonte se harmonia në gjithësi është vepër e një Krijuesi absolut.

E ai Krijues absolut është Allahu.

Muhamedi a.s. nuk i donte zotat të cilët i adhuronin arabët.

Për këtë arsye vetmohej në shpellën “Hira” që të mendojë dhe të qetësohej shpirtërisht.

Një ditë, në muajin Ramazan, gjegjësisht në natën e Lejletul Kadrit, deri sa ishte në shpellën Hira, i vjen meleku Xhibril, e shtrëngon Muhamedin a.s. e i thotë:

– Lexo!

Muhamedi a.s. i tha:

– Nuk di të lexoj.

Xhibrili i thotë përsëri:

– Lexo!

Iu përgjigj Muhamedi a.s.:

– Nuk di të lexoj.

Xhibrili në fund i thotë:

“Lexo në emër të Zotit tënd i cili ka krijuar,

ka krijuar njeriun nga gjaku i ngjizur.

Lexo – Zoti yt është më fisniku.

Ai ka mësuar (njeriun) të përdorë lapsin.

Ai ka mësuar njeriun çka nuk ka ditur e nuk di.”

Kështu filloi zbritja e Kur’anit.

“IKRE BISMI RABBIKE EL-LEDHI HALEKE

HALEKAL INSANE MIN ALEKE

IKRE VE RABBUKEL EKREM

EL-LEDHI AL-LEME BIL KALEM

AL-LEMEL INSANE MA LEM JEALEM.”

–

Dr. Musli Vërbani

“365 tregime për fëmijën tuaj brenda 12 muajve të vitit”