Isai a.s. në rininë e tij

Isai a.s. i thërriste njerëzit të besonin vetëm në Allahun.

Beni Israilët i thanë:

– Na sjell argumente, të besojmë.

Isai a.s. tha:

– Më sillni baltë.

Kur ia sollën baltën, e formoi zogun prej balte, i fryu dhe me lejen e Allahut zogu fluturoi menjëherë.

Pastaj Isai a.s. tha:

– Më sillni një të verbër.

Kur ia dërguan njeriun e verbër, vetëm e preku dhe me lejen e Allahut i erdhi shikimi.

Pastaj tha:

– Ma sillni të vdekurin.

Ia dërguan të vdekurin dhe me lejen e Allahut e ngjalli.

Pastaj Isai a.s. tha:

– Unë jam në gjendje që ta dijë çka hani, çka pini dhe çka flitni nëpër shtëpitë tuaja.

Populli i tha:

– Kjo është e pamundur.

Të nesërmen Isai a.s. i tregoi secilit veç e veç çka kishte ngrënë, çka kishte pirë dhe çka kishte folur në shtëpinë e tij.

Edhe pas të gjitha këtyre mrekullive prapë nuk besuan.

Atëherë Isai a.s. tha:

– Cilët janë ndihmëtarët e Allahut?

Havarijunët thanë:

– Ne jemi ndihmëtarët e Allahut. Dëshmo se ne jemi muslimanë.

–

Dr. Musli Vërbani

“365 tregime për fëmijën tuaj brenda 12 muajve të vitit”