Isai a.s.

Merjemja ishte në Mihrab.

I shkon Melaqja Xhibril e i thotë:

– Unë jam i dërguar prej Allahut që të të sjell një fëmijë të mençur.

Merjemja a.s. i tha Xhibrilit:

– Si të lindi unë fëmijë kur kurrë nuk më ka prekur njeri?

Xhibrili i tha:

– Kështu do të jetë, që të jetë shembull dhe shenjë për gjithë njerëzimin,

se Zoti i Madhëruar krijon njerëzit dhe jep shpirtrat.

Kur lindi Isai a.s., u tubua populli e i thanë Merjemes:

– Si ke lind kështu?

Merjemja me shenjë tregoi nga fëmija.

Populli i tha:

– Si të flasim me fëmijën në djep?

Isai a.s. në atë moment tha:

Unë jam rob i Allahut. Zoti i Madhëruar më ka bekuar.

Më ka bërë pejgamber, do të më jep librin.

Më ka porositur që të falem dhe të jap zekatin derisa të jem gjallë.

Zoti i Madhëruar kur dëshiron të bëhet një punë, vetëm thotë bëhu dhe ajo bëhet menjëherë.

–

Dr. Musli Vërbani

“365 tregime për fëmijën tuaj brenda 12 muajve të vitit”