Inxhili

Dr. Musli Vërbani

Shkëputur nga: "Besimi në librat e Zotit"

Inxhili

 

Ditën që lindi Isa a.s. i tha popullit të vet: Unë jam rob i Allahut! Ai ka caktuar të më japë libër (INXHILIN) e të më bëjë pejgamber.

Kur Isa a.s. i mbushi tridhjetë vjet iu zbrit Inxhili.

Isa a.s. u dërgua pejgamber për të vërtetuar librin e Musait a.s.  Tevratin dhe ardhjen e pejgamberit tonë Muhamedit a.s.

Zoti i Madhëruar këtë e tregon në Kur’anin fisnik:

“Dhe, kur Isai, biri i Merjemes, tha: O të bijtë e Israelit, unë jam i dërguari i Allahut te ju, jam vërtetues i Tevratit që ishte para meje dhe përgëzues për një të dërguar që do të vijë pas meje, emri i të cilit është Ahmed”. (SAFF, 6)

Zoti i Lartmadhëruar po ashtu në Kur’an tregon kështu:

“Ne vazhduam gjurmët e tyre (të Pejgamberëve) me Isain, birin e Merjemes, vërtetues i Tevratit që kishin më parë. Atij i dhamë inxhilin, që është udhëzim i drejtë dhe dritë, që ishte vërtetues i Tevratit që kishin pranë që ishte udhëzues e këshillues për të devotshmit”.(EL-MAIDE, 46)

Mirëpo beni Israilët nuk e kanë zbatua as Tevratin, as Inxhilin e nuk dëshirojnë ta zbatojnë as Kur’anin, ata i kanë pasuar epshet e veta, ata kanë fshirë, e kanë deformua dhe kanë humbur atë që është zbritur prej Zotit të Madhëruar në Tevrat dhe Inxhilë.

Zoti i Lartmadhëruar në Kur’anin fisnik thotë:

“Dhe, sikur ta zbatonin Tevratin, Inxhilin dhe Kur’anin që u zbritën nga Zoti i tyre, ata do të kishin furnizim me bollëk nga qielli dhe nga toka”. (EL-MAIDE, 66)

Bibla e cila përbëhet prej ungjijve nuk ka lidhje me Inxhilin origjinal i cili i është zbritur Isait a.s.

Një hebre me emrin Pavli, duke shtuar gënjeshtrat e veta ka shkruar ungjij të ndryshëm. Më vonë janë paraqitur shumë e shumë ungjij fals sa që numri i tyre ka arritur deri në tetëqind. Në vitin 313 ungjijtë e tjerë nuk janë pranuar përpos katër prej tyre e ato janë:

  1. Ungjilli sipas Lukës
  2. Ungjilli sipas Joanit
  3. Ungjilli sipas Markut dhe
  4. Ungjilli sipas Mateut.

Sot ekziston edhe Ungjilli sipas Bernabës.

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni /  Ndryshoje )

Foto Twitter-i

Po komentoni duke përdorur llogarinë tuaj Twitter. Dilni /  Ndryshoje )

Foto Facebook-u

Po komentoni duke përdorur llogarinë tuaj Facebook. Dilni /  Ndryshoje )

Po lidhet me %s