Për atë e cila nuk e bën Tavafin Thelbësor, për shkak se i paraqitet cikli mujor (menstruacioni) para Tavafit Thelbësor, dhe ka frikë se grupi me të cilën ka shkuar në Haxh shkon para saj (në vendlindje). Si duhet të veprojë në këtë rast?

Përgjigjja:

Disa dijetarë thonë: Ajo duhet të presë një deve apo një lopë Kurban. “Ajo nuk ka kurrfarë kompensimi”. Kjo, ngase ajo ka vepruar në bazë të mundësive. Allahu i Madhërishëm ka thënë: “Frikësojuni Allahut me aq sa keni mundësi” (Et-Tegabun: 16).

Pejgamberi a.s. ka thënë: “Nëse ju urdhëroj për diçka, zbatojeni në bazë të mundësisë.” Kjo është ajo “mundësia”.

Dihet se kushti bie në rast pamundësie. Qëndrimi në këmbë në namaz është farz, mirëpo, nëse një njeri nuk mund të falet në këmbë, ai falet ulur. Nëse nuk mundet të falet ulur, falet i shtrirë.

Falësi duhet të falet me abdes. Nëse nuk ka ujë, merr Tejemum. Nëse nuk mund të marrë Tejemum, atëherë ai falet edhe pa abdes edhe pa Tejemum.

Falësi duhet të drejtohet në drejtim të Kibles. Nëse nuk mundet, Allahu thotë: “Të Allahut janë lindja dhe perëndimi, ngado që drejtoheni, jeni drejtuar kah Allahu” (El-Bekare: 115).

Kështu pra, kushti bie në rast pamundësie. Kjo është fjalë e drejtë, kështu duhet të japim fetva në kohën tonë, për atë të cilën i hyn koha dhe nuk mund të pastrohet. Ajo bën Tavaf edhe pse është me menstruacion dhe nuk ka pengesë. Pastaj i kërkon falje Allahut të Madhërishëm.

–

Dr. Musli Vërbani

Shkëputur nga “Më është parashtruar pyetja, po e jap përgjijgen”