Nuk posedon rrobë tjetër

–

Hilafeti i drejtuar nga udhëheqësi musliman Umer ibn Abdulazizi

u zgjerua po thuajse nga Franca deri në Kinë.

Nën udhëheqjen e tij aq shumë u forcua shteti islam,

si në aspekt të ekonomisë,

stabilitetit dhe mirëqenies, sa të kujtonte ditët dhe kohën e Umerit r.a.

Një ditë Umer ibn Abdulazizi sëmuret.

Për ta vizituar kishte ardhur kunati i tij, pra vëllai i bashkëshortes së tij, Mesleme ibn Abdulmelik.

Kishte vërejtur se një pjesë e rrobës së Umer ibn Abdulazizit ishte e njollosur dhe se duhej pastruar ose ndërruar.

Kështu që i tha motrës që t’ia pastroj rrobën halifes.

Të nesërmen kur ishte kthyer, kishte parë se tesha e Umer ibn Abdulazizit nuk ishte ndërruar ende, andaj i kishte bërtitur me të keq së motrës:

– Fatime, a nuk të thash që të pastrosh rrobën e udhëheqësit të besimtarëve? Njerëzit po vijnë dhe e vizitojnë atë!

Ajo qetësisht i ktheu këtë përgjigje:

– Ai nuk posedon rrobë tjetër.

–

Dr. Musli Vërbani

“365 tregime për fëmijën tuaj brenda 12 muajve të vitit”