Uvejs Kareniju

–

Muhamedi a.s. ka thënë për një njeri të devotshëm:

– Ai është nga qyteti Karen, nga fisi Murad. Babai i ka vdekur, jeton vetëm me nënën dhe sillet shumë mirë me të. Ka qenë i sëmurë nga lepra, por e ka lutur Allahun për shërim dhe e ka shëruar.

Nën kraharor i kanë mbetur shenjat sikur të ishin monedha dërhemi. Ai është i pari më i miri i tabiinëve.

Pastaj i ka thënë Umer bin Hatabit r.a: – Nëse të vjen rasti dhe ke mundësi ta shohësh, lute që ai të lutet për faljen e mëkateve tua.

Kur Umeri r.a. është emëruar Emir i besimtarëve, haxhilerët nga Jemeni, në sezonin e haxhit, i pyeste: – A ka në mesin e tyre ndonjë me emrin Uvejs Karenij?

I përgjigjeshin: – Jo. Ai u thoshte: – Po pse nuk e merrni me vete?

Ata i përgjigjeshin se nuk dinin për vendbanimin e tij. E ne kemi pak ushqim dhe vetëm një palë rroba.

Umeri u thoshte atyre: – Mjerë për ju, po për ta ka folur i Dërguari i Allahut i a.s., dhe ka thënë: – Nëse ju jepet rasti të takoheni me të, luteni që të bëjë dua për ju (se lutja e tij pranohet).

Umeri për çdo vit e priste Uvejsin.

Dhe ndodh që një vit ai vjen me haxhilerët e Jemenit.

Umeri e takon dhe dëshiroi për ta vërtetuar atë dhe e pyet:

– Si quheni? Uvejs – tha ai.

Nga cili vend i Jemenit jeni? Nga Karni.

Nga cili fis jeni? Nga fisi murad.

Si e ke babanë? Babai më ka vdekur,dhe jetoj vetëm me nënën.

Si i ka marrëdhëniet me ty? Mundohem të sillem shumë mirë me të?

A ke qenë i sëmurë? Po, Kam qenë i sëmurë prej leprës, po e kam lutur Allahun të më shërojë dhe më ka shëruar.

A mos të ka mbetur ndonjë gjurmë e asaj sëmundje?

Po, nën kraharorin tim kam një shenjë sa monedha e dërhemit, pastaj ia zbuloi nënkraharorin.

Umeri pasi ia sheh atë vend, ia puth. Dhe i thotë: – Ti je ai, për cilin ka thënë Pejgamberi a.s. të lutesh për mua. Po, unë të lutem për ty o Emir i besimtarëve?! Umeri i thotë: Po.

Umeri vazhdimisht kërkonte prej tij, deri sa u lut për të.

Pastaj Umeri e pyet, se ku do të shkojë dhe çka do të punojë pas sezonit të haxhit.

Unë do të shkoj te fisi Murad i Jemenit. Umeri i thotë: Unë do t’i shkruaj mëkëmbësit të Irakut për ty?

Uvejsi i thotë: Të përbetohem o Emir i besimtarëve, mos vepro ashtu. Më lërë të eci në mesin e njerëzve i panjohur dhe pa ngarkesë prej tyre.

–

Dr. Musli Vërbani

“365 tregime për fëmijën tuaj brenda 12 muajve të vitit”