Dëshmia e Lisit

–

Një ditë i Dërguari i Allahut ishte duke udhëtuar.

Takoi një njeri i cili jetonte në bjeshkë.

Muhamedi a.s. e pyeti:

– Ku po shkon?

Njeriu i tha:

– Te familja ime.

Pejgamberi a.s. i tha atij njeriu:

– A do një të mirë?

Njeriu pyeti:

– Çfarë është ajo e mirë?

Pejgamberi a.s. tha:

Të dëshmosh se nuk ka të adhuruar tjetër me meritë pos Allahut një e të pashoq

dhe se unë jam rob dhe i dërguari i Tij.

Njeriu pyeti përsëri:

– Kush dëshmon për këtë që e thua ti?

I Dërguari i Allahut tha:

– Për këtë dëshmon ky lis i cili gjendet afër ne të dyve.

Pejgamberi a.s. e thirr lisin.

Lisi u afrua duke e shqyer tokën derisa u ndal para Muhamedit a.s.

Pejgamberi kërkoi nga lisi që të dëshmojë tri herë se:

Nuk ka Zot tjetër pos Allahut dhe se Muhamedi është rob dhe i dërguari i Tij.

Pasi dëshmoi për këtë, lisi u kthye tek vendi ku ishte më parë.

Njeriu u çudit për këtë që pa dhe besoi në Allahun dhe Pejgamberin a.s.

Pasi e pranoi Islamin shkoi tek populli i vet t’i thërras në islam.

–

Dr. Musli Vërbani

“365 tregime për fëmijën tuaj brenda 12 muajve të vitit”