Musa a.s. dhe personi i familjes

Musa a.s. u rrit në pallatin e Firaunit.

Një ditë prej ditëve Musai a.s. kalonte përmes qytetit.

Pa se si një person i familjes së Faraonit ishte ngatërruar me një të familjes së Beni Israilëve.

Musai a.s. pa hamendje i ndihmoi Beni Israilit.

I ra me grusht personit të familjes së Faraonit.

Kur i ra grusht, personi i familjes së Firaunit ra i vdekur për tokë.

Musai a.s. nuk kishte qëllim për ta mbytur, mirëpo atij i ra pika në zemër nga inati dhe vdiq.

Për fat askush nuk e hetoi se Musai a.s. e kishte mbytë.

Ditën tjetër ndodhi prapë një ngatërrim.

I njëjtit person i Beni Israilëve ngatërrohet me një person tjetër të familjes së Faraonit.

Kësaj radhe Musai a.s. ishte më i kujdesshëm.

Iu kthye personit të Beni Israilëve e i tha:

– Me të vërtetë ti je ngatërrestar.

Ai nga frika i tha:

– A dëshiron të më mbytësh sikur që e mbyte dje personin nga familja e Faraonëve!?

Këtë fjalë e dëgjuan ata që ishin afër.

Në qytet përhapet lajmi se Musai a.s. e kishte mbytur një person nga familja e Faraonit.

Kur mori vesh Faraoni për këtë lajm urdhëroi ushtrinë për ta zënë Musën a.s. për ta mbytur.

Një ushtar i Faraonit i cili besonte në Zotin, fshehtazi shkoi me të shpejtë te Musai e i tha:

– Ik nga ky vend e shpëto se kanë vendosur të të vrasin.

Musai a.s. iku me të shpejt nga mbretëria e Firaunit dhe shpëtoi.

–

Dr. Musli Vërbani

“365 tregime për fëmijën tuaj brenda 12 muajve të vitit”