Lindja e Musait a.s.

Faraoni ishte mbret i Egjiptit.

Ai kishte parë ëndërr se do të lindë një djalë nga mesi i Beni Israilëve.

Ai djalë kur të rritej do t’ia merrte fronin.

Për këtë arsye urdhëroi ushtrinë e tij që çdo fëmijë i cili lindë djalë nga mesi i Beni israilëve të mbytet.

Në këtë kohë të vështirë lindi Musai a.s.

Nëna e Musait u frikua se do t’ia mbytnin djalin në djep.

Posa lindi djalë, e përqafoi,

E ledhatoi siç i ledhatojnë nënat fëmijët e tyre.

E puthi në faqe siç i puthin nënat fëmijët e tyre.

E mbështjelli mirë dhe e futi në një sënduk.

Sëndukun e hodhi në lumin Nil.

Nëna i thotë vajzës së saj:

– Përcille deri ku do të shkojë sënduku.

Për habi sënduku lundroi drejtë në pallatin mbretëror të Faraonit.

Rojtarët e panë sëndukun dhe ia sollën mbretëreshës.

Ajo kur e hapi sëndukun u gëzua pa masë kur pa se në të ishte foshnja e porsalindur.

E mori në përqafim.

Shkoi te mbreti Faraon e i tha:

– Këtë djalë do ta ruajmë.

Këtë djalë do ta rrisim si fëmijën tonë e askush nuk do të na hetojë.

Faraoni pranoi dhe Musai a.s. u rrit në pallatin e tij.

—

Dr. Musli Vërbani

“365 tregime për fëmijën tuaj brenda 12 muajve të vitit”