Dr. Musli Vërbani

–

Llukmani i urtë ka qenë shërbëtor te një i pasur.

Një ditë, zotëria i tij e urdhëroi ta therë një dele dhe t’ia sjellë dy pjesët më të mira të mishit.

Llukmani e theri delen.

Ia dërgoi zotërisë së tij gjuhën dhe zemrën.

Kaloi një kohë,

përsëri e urdhëroi ta therë një dele dhe tani t’ia sjellë dy pjesët më të këqija të mishit.

Llukmani e theri delen.

Ia dërgoi zotërisë së tij gjuhën dhe zemrën.

I çuditur me sjelljen e tij, zotëria i thotë:

– Unë të urdhërova që të më sjellësh pjesët më të mira,

e ti më solle gjuhën dhe zemrën.

Pastaj të urdhërova që të më sjellësh dy pjesët më të këqija,

ti përsëri më solle gjuhën dhe zemrën.

Ku është fshehtësia e sjelljes tënde në këtë mënyrë?

Llukmani u përgjigj:

Nuk ka gjë më të bukur se gjuha dhe zemra kur janë të pastra.

Nuk ka gjë më të keqe se gjuha dhe zemra kur janë të prishura.