Dr. Musli Vërbani

 

SHARTET E GUSULIT TË TË VDEKURIT

 

Shartet e pastrimit (gusulit) të të vdekurit janë:

1. Me qenë musliman.

Nuk lejohet pastrimi (gusuli) i pabesimtarit. Nëse pastrohet kjo është haram.

2. Me lindë fëmija me kohë.

– Nëse lindë fëmija para kohe dhe nuk ka përbërje të plotë

të trupit, por vetëm copa mishi e gjaku, nuk pastrohet, por

vetëm i hidhet ujë, mbulohet me një rrobë, emërtohet dhe

varroset sepse ai do të ringjallet në Ditën e Kijametit.

– Nëse lindë fëmija ose me kohë ose para kohe, por me

përbërje të plotë, pastrohet (farz është pastrimi gusuli),

pastaj emërohet, kefinoset dhe farroset.

– Nëse lindë fëmija dhe klithë apo një herë merr frymëmarrje, trashëgon dhe po ashtu trashëgohet.

3. Me qenë pjesa më e madhe e trupit ose gjysma e trupit së

Bashku me kokën:

– Nëse për shkak të ndonjë aksidenti, vërshime, tërmeti,

rrëzimi nuk mbetet më shumë se gjysma e kufomës,

atëherë nuk pastrohet.

4. Mos të jetë shehid.

Shehidi nuk pastrohet (gusël), por vetëm i falet namazi. Argument për këtë është hadithi i Muhamedit a.s. me rastin e shehidëve të Uhudit, ku thotë:

“Mos i pastroni (gusël) se nëse ka gjak ose plagë, çdo plagë dhe çdo pikë e gjakut do ta ketë erën e miskut në Ditën e Kijametit”.

(Transmeton Ahmedi)