Dr. Musli Vërbani

 

Gusuli – farzet, sunetet dhe mendubet

 

FARZET E GUSULIT

Farzet e gusulit janë:

1. Gojën dhe brendësinë e gojës së bashku me fytin me e pastrua mirë.
2. Hundën, brendësinë e hundës deri në asht me pastrua mirë.
3. Tërë trupin me e pastrua plotësisht.

 

SUNETET E GUSULIT

Sunetet e gusulit janë:

1. Nijeti.
2. Para se të pastrohemi duhet përmendur emrin e Allahut (Bismilahirr-rrahmani-rrahimë).
3. Larja e duarve.
4. Larja e pjesës së turpshme para se me pastrua tërë trupin.
5. Me marrë abdes para se me pastru trupin
   1. kur të mirret abdesi, larja e këmbëve vonohet pas marrjes apo përfundimit të gusulit, nëse qëndrojmë në vendin ku mblidhet uji i pastrimit.
6. Me fillua me pastrua kokën pastaj pjesën e djathtë, e pastaj të majtë, e kështu me radhë me vazhdua me pastrua tërë trupin.
7. Me pastrua trupin tri herë.
   1. pastrimi i parë është farz, ndërsa pastrimi i dytë dhe i tretë është sunet.

 

MENDUBET E GUSULIT

Mendubet e gusulit në përgjithësi janë mendubet të cilat janë përmendur te mendubet e abdesit, përpos lutjeve dhe kthimi në drejtim të kibles.

• Nuk është mendub me bë lutje gjatë gusulit, sepse personi është lakuriq, e lakuriq nuk lejohet me bë lutje.
• Nuk është mendub me u kthye kah kibla në gusël, ndërsa gjatë abdesit është mendub, për shkak se personi gjatë abdesit është i veshur dhe i mbuluar, ndërsa gjatë gusulit personi është lakuriq, ndërsa me u kthye kah kibla lakuriq gjatë pastrimit është mekruh.