Dr. Musli Vërbani

Këshilla fisnike

 

Muhamedi a.s. ka thënë: “Kur të fillojë koha e namazit, le të thërras dikush prej juve ezanin…”

Në një hadith tjetër Muhammedi a.s. ka thënë: “Muez-zini në ditën e kijametit do të jetë më i gjati dhe më i larti.”

Duke pasur parasysh se ezanin (edhanin) dhe veprimet tjera gjatë namazit, i bëjnë muez-zinët (muedh-dhinët) e shtresave të ndryshme, që do të thotë muez-zinë të nivele të larta, muez-zinë të niveleve të mesme dhe fillestarë, do të sjell disa këshilla për përmirësimin e disa çështjeve të cilat në shikim të pare janë të lehta, ndërsa në esencë nuk janë të lehta.

Po fillojmë me këshillën e parë fisnike:

Fillimi i ezanit fillon me fjalën “All-llahu ekber”.

Shkronja e parë e fjalës All-llah është shkronja” elif” nërsa elifi është me zanoren “e “ el-fetha.

Kur muezini e thotë fjalën “All-llahu ekber”, nuk duhet ta këndoj : “Aallaahu ekber” por “All-llaahu ekber”.

Për ta sqaruar këtë duhet të themi si në vijim:

Ka dallim në mes të fjalës “All-llahu ekber” dhe AAll-llahu ekber”. Në rastin e parë është shkurtimi e shkronjës “a” ndërsa në rastin e dytë zgjatimi i shkronjës “a”.

Në rastin e parë, me All-llahu ekber dëshmojmë se Allahu është më i madhi, ndërsa

te rasti i dytë me “Aallahu ekber” shprehim dyshim se a është Allahu është më i madhi?. E të shprehurit dyshim në madhështinë e All-llahut është pabesim, për këtë arsye është haram të thuhet: “Aallahu ekber”.

Ata të cilët janë të specializuar në këndim, ata kur ta theksojnë fjalën  Allah, e theksojnë theksin në mes të shkronjës,  pra nuk e theksojnë as E të plotë Ellahu ekber por as A të plotë Allahu ekber.

 

Këshillat fisnike do të vazhdojnë.