Dr. Musli Vërbani

–

Një ujk kishte sulmuar tufën e dhive.

Tufa e dhive ishte e Ukbanit.

Duke kapur njërën prej dhive Ukbani e shpëton atë.

Ujku i drejtohet Ukbanit dhe i thotë:

– A nuk kishe frikë nga Allahu që ma more ushqimin tim?

Çobani çuditet pa masë dhe i thotë:

– Çudi! Si mund të flasë ujku?

Ujku i thotë:

– Çudi është puna jote, sepse pas kësaj kodre ndodhet një Pejgamber që ju thërret në xhenet, kurse ju nuk i besoni.

Çobani i thotë ujkut:

– Po të shkoj unë tek Pejgamberi, kush do të ma ruajë tufën?

Ujku i thotë:

– Ta ruaj unë.

Ukbani ia dorëzon tufën ujkut.

Shkon tek Pejgamberi, pranon Islamin.

Kur kthehet, e gjen ujkun duke ruajtur tufën e tij.

Asnjë dhi nuk mungonte.

Çobani e pret një dhi dhe ia jep ujkut për të ngrënë sepse ujku ishte ai që i tregoi për Pejgamberin dhe e ndihmoi atë të bëhet musliman.