Dr. Musli Vërbani

–

Ibrahimi a.s. ka pasur dëshirë t’i vështrojë gjërat.

Ka pasur dëshirë t’i hulumtojë, t’i vërtetojë.

Ka pasur dëshirë ta studiojë gjithësinë dhe ambientin të cilin e rrethon.

Duke analizuar dhe studiuar forcohet besimi.

Duke analizuar dhe studiuar qetësohet zemra.

Ibrahimi a.s. një ditë e pyeti Zotin: – Si i ngjallë të vdekurit?

Zoti i tha: – A nuk po beson?

Ibrahimi tha: – Po gjithsesi besoj, por dëshiroj që të më qetësohet zemra ime.

Zoti i Madhëruar i tha: – Merri katër zogj dhe preji.

Përzieje gjakun e tyre dhe shpërndaji në katër anë të kodrave.

Shkuli puplat e tyre dhe shpërndaji në katër anë të kodrave.

Pjesët e trupit të tyre shpërndaji në katër anë të kodrave.

Pastaj ti thirri.

Ashtu veproi Ibrahimi.

Mori katër zogj, i preu.

E përzihu gjakun e tyre dhe i shpërndau në katër anë të kodrave.

Puplat e tyre i shpërndau në katër anë të kodrave.

Pjesët e trupit të tyre i shpërndau në katër anë të kodrave.

Pastaj i thirri zogjtë.

Kur papritmas i sheh se si pjesët e trupit të zogjve bashkohen në ajër.

Bashkoheshin krahët e shpendëve nga të katërt anët.

Bashkoheshin puplat nga të katër anët.

Bashkohej mishi nga të katër anët.

Bashkohej gjaku nga të katër anët.

U formuan zogjtë sikur në gjendjen e mëparshme dhe fluturuan në drejtim të Ibrahimit.

Kështu Zoti i ngjallë të vdekurit.