Dr. Musli Vërbani

–

Një ditë Pejgamberi s.a.v.s. hyri në kopshtin e një shoku të tij.

Aty i afrohet deveja.

Nga sytë e devesë pikonin lot.

Pejgamberi s.a.v.s. me duart e tij fisnike fërkon devenë për koke,

e ajo pushon së qari dhe qetësohet.

Pejgamberi a.s. e kërkon pronarin e devesë.

Vjen një djalosh dhe i thotë: – Ajo është e imja.

Pejgamberi s.a.v.s. i thotë:

“A nuk i frikësohesh Allahut për shkak të kësaj kafshe që Allahu ta ka dhënë në pronësi?

Deveja po më ankohet se nuk po e ushqen sa duhet.

Deveja po më ankohet se po e lodh për së tepërmi.

Deveja po më ankohet se je duke e ngarkuar shumë.”